Dosbarth Meistr Elinor Bennett, Cyfarwyddwr Artistig

30 Mawrth, 4:00 – 5:30pm & 31 Mawrth 12:00pm – 1:30pm

Hoffech chi dderbyn sylwadau ac awgrymiadau i’ch helpu tra’n paratoi a dehongli darn o gerddoriaeth?

Ydech chi yn paratoi darn newydd tuag  at arholiad neu gyngerdd sydd ar y gorwel?

Mae Elinor Bennett yn gwahodd  telynorion i yrru recordiad o ddarnau sydd yn y broses o gael eu dysgu ac yn cynnig help wrth eu  paratoi a’u  dehongli. Nid oes raid i’r recordiad fod yn waith gorffenedig – a bydd pob recordiad a dderbynnir yn cael ei warchod a’i ddileu wedi i’r dosbarth ddod i ben.

Yn ogystal â thrafod pwyntiau cyffredinol sydd wedi dod i’r amlwg wrth wylio’r perfformiadau, bydd Elinor yn dewis 5 neu 6 o’r perfformiadau fideo i’w chwarae a’u trafod yn fwy manwl yn y dosbarth meistr. Bydd bob person sy’n cofrestru yn derbyn adborth ysgrifenedig ar eu perfformiadau.

Roedd Elinor yn ddisgybl i Osian Ellis yn yr Academi Gerdd Frenhinol yn Llundain a bu hefyd yn gweithio’n agos gyda William Mathias, John Metcalf a chyfansoddwyr eraill cyfoes.

Darnau a awgrymir: Hunan ddewisiad o repertoire uwch i diploma.

Cynhelir y dosbarth meistr ar Zoom.

Cost i wylio £5 y sesiwn